أنا من اياهم

أنا من اياهم

و ان فاكر غير كدة

تبقي واهم

مستعجب ليه؟

قول لو مش فاهم.

أنا من الناس

عالرزق بتزاحم

بتشقي و تحلم

في الرخاء تساهم

بيموتوا ضحايا

و الشرطة وراهم

مسرح و لا مطرح

حريق و لا غريق

ربنا يتولاهم

شعب مسكين

ربنا بالحكومات ابتلاهم

و الحكام ربنا يتوفاهم

مع الصحافة

مفيش تفاهم

و المواطنين

بياخدوا علي قفاهم

و رجال الأعمال

الحزب بيرعاهم

فهمت؟

و لا لسة مش فاهم؟

مؤقت/مؤقتة القاهرة

مع دخول لوح أرقام السيارات الجديدة لاحظت بعض أرقام الملاكي تحمل "مؤقت القاهرة" ده شيء منطقي ان السيارات دي تنتظر تغيير ابدال اللوحات الجديدة بتلك اللوحة المؤقتة.لكن لاحظت مؤخرا ان بعض السيارات تحمل أرقام "مؤقتة القاهرة".استوقفتني تاء التأنيث,أيهما الأصح,مؤقت أم مؤقتة؟

اذا نظرنا للرقم اذن فهو رقم مؤقت

اذا نظرنا للرخصة,فهي مؤقتة

لكن ما هو الأساس؟ملاكي القاهرة صفة لرخصة السيارة,اذن فالمؤنث هو الأصح!

في ظني ان هذه المعضلة واجهت المرور فقرر التنويع,فجعل بعض الأرقام "مؤقت القاهرة" و الباقي"مؤقتة"

وان كان هذا ما حدث,فأنا
أرفع لهم القبعة

(انتظر المقال القادم"حريق المعبد")