أنا من اياهم
و ان فاكر غير كدة
تبقي واهم
مستعجب ليه؟
قول لو مش فاهم.
أنا من الناس
عالرزق بتزاحم
بتشقي و تحلم
في الرخاء تساهم
بيموتوا ضحايا
و الشرطة وراهم
مسرح و لا مطرح
حريق و لا غريق
ربنا يتولاهم
شعب مسكين
ربنا بالحكومات ابتلاهم
و الحكام ربنا يتوفاهم
مع الصحافة
مفيش تفاهم
و المواطنين
بياخدوا علي قفاهم
و رجال الأعمال
الحزب بيرعاهم
فهمت؟
و لا لسة مش فاهم؟
2 comments:
لاء فاهم و المصيبة الوحيدة انى فاهم و على راى القائل "احيانا قد يشقى المرء بمعرفته"
علي فكرة المقولة دي بجد تعباني جدا,أنا حرقة دمي مش بتيجي غير من اللي بشوفه و بعرفه,و يا ما فلت,الجهل نعمة
Post a Comment