و احنا يا ضيفنا البدو
نعامل أكننا عدو
الحكومة ياما منا خدوا
و يقولوا علينا ارهابيين
هو مش الارهابي تكفيري؟
بيخطط لعمل تفجيري؟
و الله بقينا نخاف من الميري
مهو بقوا زي المجانين
مش كفاية مفيش خدمات؟
حتي الشرطة قلبها مات؟
نسيتوا دورنا في الانتصارات؟
و تتبع خطي المطلوبين؟
طلبنا تسيبونا في حالنا
و من السجون خرجوا عيالنا
و عايزين هدنة تهدي بالنا
نرجع زي ما كنا منسيين
No comments:
Post a Comment