اليومين دول الموضة السادية
مستغرب ليه؟ دي حاجة عادية
جلد المصريين في السعودية
و الطلبة في المدارس المصرية
و كالعادة حكومتنا مش هنا
بيبيعوا البلد اللي ملكنا
و قال بعد الخصخصة عيشة هنا
ما هما فعلا عن الوطن في غني
اليومين دول الموضة الحرايق
البلد تولع و الشعب رايق
و الأعجب ان محدش متضايق
و لا كان حد من نوابنا فايق
مجلس شوري خلاص ولع
و مجلس الشعب بيتدلع
و مودلز عالشاشة بتتشخلع
و الضمير في الروح بيطلع
اليومين دول الموضة التجارة
و أساسي نقل الأعضاء شطارة
و عادي خيط الجراحة بدوبارة
و اشتري عينين بدل النضارة
و طوابير عيش و طوابير حديد
بتقوللي"عادي,و ايه الجديد؟"
يمكن في من الطوابير مزيد
بتدل علي ان نظامنا مجيد
اليومين دول الموضة البيع
الدولة تبيع صكوك للمشاريع
و بيع كليتك بمبلغ فظيع
تخلص من الوضع الوضيع
اليومين دول:سادية و صكوك و حرايق و نقل أعضاء
No comments:
Post a Comment