كان عندي السنة اللي فاتت مادة اسمها أخلاقيات هندسية,المهم كان في نهاية السنة علينا ننتقي مشروع لتنفيذه,و كان من الاختيارات اننا نعمل بحث عن موضوع المعاكسة,و بدات أنا و مجدي صديقي في تسجيل لقاءات وصل مدتها الاجمالية لأكتر من سبع ساعات مع الجنسين, و لأني أنا و صديقي معاكسناش قبل كدة فكان اللقاءات اللي عملناها بمثابة صدمة كبيرة كل لقاء كان بيزيد الصدمة عن اللي قبله,يكفي ان أول لقاء لما الطالبات سمعوا أخلاقيات و معاكسة قالوا"تعالوا احنا لسة كنا بنتكلم عن الموضوع ده" و لكم أن تتخيلوا كم البنات اللي كانوا بيتكلموا بحرقة شديدة,و أولاد صدمونا بانهم اتعاكسوا الي جانب أساليب معاكسة تشبه سيناريو الفيلم الهندي أو فيلم مهمة مستحيله!
و لمرور سنة علي البحث اللي نفذناه,قررت اني أخلي الشهر ده كله مخصص لموضوع المعاكسة بالذات و سوف أرفع بعض المقاطع من الحوارات الي جانب البحث الذي قمت أنا و صديقي بتقديمه للدكتور.أتمني أن يكون لهذا الموضوع صدا و ليكن شهر مارس شهر "لا للمعاكسة" بدلا من كونه باسم اله الحرب.
1 comment:
والله موضوع يستاهل انك تعمل عنه سنة مش شهر واحد..
أصل انابستغرب الشخص اللي بيعاكس،مش ليك أم بلاش أخت بلاش بنت خال بنت عم بنت جيران،ايه اللي في باله وانت بيعاكس، واللا انت بتعاكس من باب فتونة مثلا، او انك شاب لذيذ
مش عارفة بصراحة
انا بسميها هيافة وفراغ
بس كما تدين تدان
Post a Comment