شكله اسم فيلم عربي بنمط هندي لكن للأسف ده واقع و غريب كمان.
بداية المسلسل ايه؟
مبني الساعات المعتمدة جم في يوم لقوا ان مفاتيح الكهربا كلها ملطوشة و حاجات تانية كتير,اليوم جه و انتهي
اليوم اللي بعده غالبا كان الحرامي عمل زي قائمة بباقي الحاجات اللي ممكن يسرقها و جه سرقها,يعني سرق يومين ورا بعض نفس المبني.
كفاية كدة؟متجيش أبدا!
بدأت السريقات اللي في وضح النهار,نبقي في معمل بننفذ مشاريع و المعمل زحمة و عرق و بتاع,و اليوم اللي بعده نلاقي خبر ان في "بورده" اتلطشط من المعمل و دفعتنا المرة دي هي المتهمة!!خلوا بالكم,دفعة ثالثة هندسة اتصالات القاهرة متهمة بسرقة بوردة ب 120 جنيه!!
بس كدة؟لسة باااادري
فين ممكن نسرق أجهزة كمبيوتر؟لابات كمبيوتر؟فين؟يا في مبني عمارة أخر دور (قسم حاسبات) و صعب الخروج منه لأنه دور واحد و بعدين هينزل كل الأدوار دي سلالم و لا أسانسير؟
الخيار التاني ايه؟
مبني اتصالات خاصة ان الطلبة بتيجي بأجهزة لابتوب عشان في نت لاسلكي.
نلاقي في يوم جهاز لابتوب بتاع دكتور في مدرج كان بيتلمله مشاريع طلبة رابعة ,دكتور محترم جدا,اتسرق,و في نفس اليوم 3 موبايلات اتسرقوا!!لأ و مش بس كدة,ده في كيسة من أخر دور في مبني اتصالات (معمل كمبيوتر) اتلطشت كمان.
مهو بيقول ان سرقت اسرق جمل!!
و الله أنا حمدت ربنا اني مش عندي محمول أصلا(بالرغم من اني طالب في هندسة اتصالات) و لا بجيب جهاز اللابتوب(عشان البطارية بعافية)
بس الخوف كله علي الساعة بتاعتي اللي أوستيكها مقطوع و بحطها دايما في جيبي,و المحفظة اللي ساعات بتكون معمرة و ساعات مهوية حسب الظروف.و كشكول المحاضرات اللي ب20 جنيه اللي ساعات بجيبه و ساعات بسيبه في البيت لأني ببيض فيه,و الجزمة مستبعد لأني لا بنام خالعها و لا بصلي في الكلية(للأسف,ادعولي ألتزم) الخوف يكون حد من سلالة شويكار و مسرحية "سيدتي الجميلة" لما لطشت غياره الداخلي,السؤال اللولبي بقي ايه؟
الأمن اللي علي باب الكلية ايه؟قراطيس؟و لا بيشوفوا كارنيهات الداخلين لو بيعاكسوا الطالبة اللي داخلة كلية هندسة و اتصادف انها ماشية قدامهم بس؟يعني مفيش رقابة علي أي حاجة خارجة كدا و لا كدا؟
أحب أهدي لحرس الكلية أغنية "خلي السلاح صاحي صاحي صاحي"
و أحب أقول للحرامي"متلم الدور بقي؟كفاية حراااااام"
بداية المسلسل ايه؟
مبني الساعات المعتمدة جم في يوم لقوا ان مفاتيح الكهربا كلها ملطوشة و حاجات تانية كتير,اليوم جه و انتهي
اليوم اللي بعده غالبا كان الحرامي عمل زي قائمة بباقي الحاجات اللي ممكن يسرقها و جه سرقها,يعني سرق يومين ورا بعض نفس المبني.
كفاية كدة؟متجيش أبدا!
بدأت السريقات اللي في وضح النهار,نبقي في معمل بننفذ مشاريع و المعمل زحمة و عرق و بتاع,و اليوم اللي بعده نلاقي خبر ان في "بورده" اتلطشط من المعمل و دفعتنا المرة دي هي المتهمة!!خلوا بالكم,دفعة ثالثة هندسة اتصالات القاهرة متهمة بسرقة بوردة ب 120 جنيه!!
بس كدة؟لسة باااادري
فين ممكن نسرق أجهزة كمبيوتر؟لابات كمبيوتر؟فين؟يا في مبني عمارة أخر دور (قسم حاسبات) و صعب الخروج منه لأنه دور واحد و بعدين هينزل كل الأدوار دي سلالم و لا أسانسير؟
الخيار التاني ايه؟
مبني اتصالات خاصة ان الطلبة بتيجي بأجهزة لابتوب عشان في نت لاسلكي.
نلاقي في يوم جهاز لابتوب بتاع دكتور في مدرج كان بيتلمله مشاريع طلبة رابعة ,دكتور محترم جدا,اتسرق,و في نفس اليوم 3 موبايلات اتسرقوا!!لأ و مش بس كدة,ده في كيسة من أخر دور في مبني اتصالات (معمل كمبيوتر) اتلطشت كمان.
مهو بيقول ان سرقت اسرق جمل!!
و الله أنا حمدت ربنا اني مش عندي محمول أصلا(بالرغم من اني طالب في هندسة اتصالات) و لا بجيب جهاز اللابتوب(عشان البطارية بعافية)
بس الخوف كله علي الساعة بتاعتي اللي أوستيكها مقطوع و بحطها دايما في جيبي,و المحفظة اللي ساعات بتكون معمرة و ساعات مهوية حسب الظروف.و كشكول المحاضرات اللي ب20 جنيه اللي ساعات بجيبه و ساعات بسيبه في البيت لأني ببيض فيه,و الجزمة مستبعد لأني لا بنام خالعها و لا بصلي في الكلية(للأسف,ادعولي ألتزم) الخوف يكون حد من سلالة شويكار و مسرحية "سيدتي الجميلة" لما لطشت غياره الداخلي,السؤال اللولبي بقي ايه؟
الأمن اللي علي باب الكلية ايه؟قراطيس؟و لا بيشوفوا كارنيهات الداخلين لو بيعاكسوا الطالبة اللي داخلة كلية هندسة و اتصادف انها ماشية قدامهم بس؟يعني مفيش رقابة علي أي حاجة خارجة كدا و لا كدا؟
أحب أهدي لحرس الكلية أغنية "خلي السلاح صاحي صاحي صاحي"
و أحب أقول للحرامي"متلم الدور بقي؟كفاية حراااااام"
1 comment:
جامدة :lol:
ده حرامى بيفهم بجد
بس على فكرة
حاميها حراميها !
Post a Comment