بحب السيما

أعترف باني مش متابع للمسلسلات العربية و اني متابع أفضل للمسلسلات الأجنبية.
يمكن حد يقول ده لأني عندي عقدة الخواجة,و حد تاني يقول أنا عندي حق.
بس من متابعتي لبعض السيتكوم المصري,و متابعتي الكتير للسيتكوم الأجنبي,أنا شايف ان من الظلم عقد المقارنة بين الاتنين,لأن

السيتكوم الأجنبي أكبر سنا من السيتكوم المصري.عامة مستوي المصري مقبول طالما مش بننقل من الأجنبي.
بالنسبة للأسماء المسلسلات و الأفلام.
من كام سنة كدة كانت الموضة في تسمية الأفلام بأسماء الأبطال,ما معناه ان الفيلم يتركز في شخصية البطل:
ابو علي
أبو العربي
اللمبي-بوحة-كتكوت-كركر-عوكل
زكيشان
سيد العاطفي
علي سبايسي
الغواص
ظاظا
الريس عمر حرب
اتش دبور
حمادة يلعب

ده طبعا غير ان المغنيين قرروا يكونوا فنانين شاملين,مش كفاية المغني,نخش في الرقص كمان,أقصد التمثيل!
مصطفي قمر(حريم كريم-أصحاب و لا بيزنس-قلب جريء)
حكيم(علي سبايسي)
تامر حسني(حالة حب-سيد العاطفي-عمر و سلمي-كابتن هيما)
ريكو-شعبان عبد الرحيم(عليا الطرب بالتلاتة)
ساموزين(منتهي اللذة)
حمادة هلال(عيال حبيبة-العيال هربت-الحب كدة-حلم العمر)

و مننساش طبعا النجم الكبير سنا و مقاما,و اللي مبينزلش فيلم مصري الا لما يكون فيه,متقولش ختم النسر حسن حسني:
يعني من سنة 2000 شارك في 37 فيلم بس,ربنا يزيد و يبارك!

و طبعا بيغلي علي معظم الأفلام الكوميدية اللي هو خلي الشعب يفرح,بلاش نكئبه بدراما و لا نوجع دماغة بفلسفة و سياسة.

و الله خوفي الدراما السورية و التركية يزهقوا من التلفزيون المصري و يقتحموا السينما المصرية,ساعتها بقي قول عالسيما سلام.

طب أنا ليه واجع دماغكم و دماغي بالقايمة دي؟
أصلي فكرت في مصر كمان 20 سنة.مدينة الانتاج الاعلامي هتكون هوليود و لا مش هتكون موجودة أصلا؟
الأفلام هتكون ازاي؟
طب حسن حسني هيحل محله مين؟
للأسف كل نجوم السينما محددين أدوارهم و صعب يقال عنهم ممثلين شاملين,احمد السقا أكشن,أحمد حلمي كوميديا,عادل امام

كوميدي و مشاهد جنس,يعني كل واحد حدد لنفسه خانة مش عارف يخرج منها.هل السينما هتقلب فيديو كليبات لمغنيين؟هل هيكون

في قصة و لا هيكون كل فيلم بشخصية و يعملوا من الأفلام كلها فيلم واحد عشان يجمعوا الشخصيات؟
يا فيلم انهاردة في السينما بكرة يبقي ببلاش عالتورنت.