كلام و واقف في الزور

كتير قال من كتر الكلام
الكلام بيفقد معناه
و كتير اتمني يسمع كلام
و الكلام ما بيلقاه
و كتير قال كلام
و في وقت الكلام منه تاه
و كلام له معني
و تلقي الناس هجراه
و كلام أي كلام
و الناس دايما سمعاه
و ناس بتوع كلام
و الفعل مش عاملاه
و كلام بييجي عالجرح
و الناس مش طايقاه
كلام الأغاني
هجر و هيام
و سنين و شهور و أيام
مجرد كلام
و بعد النكبة
شوية كلام
يسكن الألام
أو كلام القاضي
يعالج الألام
و الباقي علي الاعلام
بشوية كلام.
يا يفوق الشعب بالكلام
يا يموت و نفسه
يقول كلام.
أخر الكلام
خير الكلام
ما قل و دل