رباعيات صاحي - كلام خفيف

ان طغي علي جلدي اللون الأزرق
لا تقلق علي فأنا أتنفس,لا أغرق
و لست أغير لوني بنفسي كالحرباء
لكنها كدمات من ألف فعل أخرق
و عجبي

لما يزيد عدد الأهداف
ببدأ أقلق,ببدأ أخاف
بتقل الدقة و يزيد التشتيت
و يبدأ يحتار المجداف
و أسفي

صحيح مات اديبنا جاهين
و كمان مات يوسف شاهين
لكن لسة برباعيات و أفلام
في كتبنا و شاشاتنا عايشين
و عجبي

يا طير في القفص,فتحت الباب
طرت و رجعت لكن ريشك شاب
غرد و قال كان نفسه في الحرية
بس خوفه من بكرة له ألف ناب
و عجبي

يا نيل فيك السمك و الغرق
في منك ارتوي و منك شرق
ليك الفيضان و ليك الجفاف
و ياما مركب فيك اتحرق
وعجبي

برغم كل الكوارث و المحن
و قلبي اللي بالغضب اتشحن
هتفضل بسمتي اسيرة وجهي
حتي لو الزمان فيا امتحن
و تحدي

امبارح ماضي,و بكرة جي
لكن انهاردة و دلوقت حي
الحق الحاضر قبل ما يمضي
وقتك بيمر,الحقه يا خي

ياما ناس حلمت بجنة
و ناس اتمنت تتهنا
كام فاق من حلمه يحققه
و كام هام في الحلم و غنا
و عجبي