في موقف ميكروباص
اجلس في هذا الميكروباص الفارغ منتظرا امتلاؤه قبل أن يهم بالتحرك,نظرت من الشباك باحثا عن شيء قد يدفع عني ملل الانتظار.لاحظت ذلك الرجل,يجلس علي الرصيف و مرصوص بجانبه عدد من الأكواب,في صفين و موقد مشتعل يعلوه ابريق,لاحظت الأكواب يقبع في قاعها طبقة شاي و طبقة سكر.خلفه راديو ترانزستور يذيع احدي قنوات الاف ام الشهيرة.نظرت لوجه الرجل المهموم,بدأت التجاعيد تخط فيه,و تظهر علي شعوره الرمادية مدي كبر سنه.سلم عليه أحد السائقين و جلس بجانبه,و كأنه كان منتظرا ما يكسر رتابة يومه,بدأ يشكو للسائق عن حاله,فما أن تنتهي امتحانات ابناؤه فيبدأ موسم الصيف ثم رمضان بمصاريفه و العيد بمصاريفه و يبدأ الأبناء يطالبون مرة أخري بمصاريف المدرسة مرة أخري.ثم يتسائل عن مدي تأثير "الأزمة اللي بيقولوا عليها" في رزقه,صحيح الرزق "بتاع ربنا,بس لازم نعمل حسابنا برده."ثم بدأ يتحدث عن كم ما يدفع من مال لرجال المرور اللي مبترحمشي ليتفادي غلاستهم,"ففلان فلوسه كاش و علان هداية غالية,بس ابو حسين محترم,مبيطلبش غير كانز البيبس كل يوم"
ثم مصير من لم يدفع من السائقين,سحب الرخصة.أنظر بملل الي الميكروباص النصف ممتلئ,ثم أرجع بنظري لهذا الرجل.يكف الرجل عن الكلام قليلا و يهم بالكلام فيبدأ اعلان في الراديو"عايز تسكن في فيلا أو شاليه علي البحر ؟بجنينة و بسين خاص؟و نادي اجتماعي و سبا و جيم؟و أوتيل 5 نجوم و ملاعب جولف؟و أكبر نافورة في مصر؟و تلفريك؟ادفع مقدم 10 في المية و الباقي علي 5 سنين".
بكل هدوء رفع الرجل غطاء الابريق و بحركة سريعة افرغ محتوي الابريق علي الراديو,لينهي حياة الراديو بنص عمر.فوجئ السائق بذلك و لم يتخطي رد فعله كلمة"ايه ده ايه ده ايه ده؟ليه كدة؟"
رد بكل برود"و ايه يعني راديو,بكام يعني؟مش احسن من اني افش غلي باني اقتل حد و لا اولع في فيلا؟غير انه مبيجيبش غير حرقة الدم,بعدين أدفع نص عمري تأبيده,في سبيل اني اعرف جابوا فلوس يبنوا بيها منين؟و انا مش لاقي لعيالي جهاز و سكن,و دول بيدوروا علي اكبر خازوق و لا نافورة في مصر؟يا أخي تولع دي بلد"
ثم وقف و ترك الراديو الضحية و السائق المفاجأ و ركب الميكروباص و قد امتلأ,ليدير محركه و يبدأ في القيادة.
من وحي خيال الكاتب,كفش غل
تم منتجة الحوار ليكون قابل للنشر
اجلس في هذا الميكروباص الفارغ منتظرا امتلاؤه قبل أن يهم بالتحرك,نظرت من الشباك باحثا عن شيء قد يدفع عني ملل الانتظار.لاحظت ذلك الرجل,يجلس علي الرصيف و مرصوص بجانبه عدد من الأكواب,في صفين و موقد مشتعل يعلوه ابريق,لاحظت الأكواب يقبع في قاعها طبقة شاي و طبقة سكر.خلفه راديو ترانزستور يذيع احدي قنوات الاف ام الشهيرة.نظرت لوجه الرجل المهموم,بدأت التجاعيد تخط فيه,و تظهر علي شعوره الرمادية مدي كبر سنه.سلم عليه أحد السائقين و جلس بجانبه,و كأنه كان منتظرا ما يكسر رتابة يومه,بدأ يشكو للسائق عن حاله,فما أن تنتهي امتحانات ابناؤه فيبدأ موسم الصيف ثم رمضان بمصاريفه و العيد بمصاريفه و يبدأ الأبناء يطالبون مرة أخري بمصاريف المدرسة مرة أخري.ثم يتسائل عن مدي تأثير "الأزمة اللي بيقولوا عليها" في رزقه,صحيح الرزق "بتاع ربنا,بس لازم نعمل حسابنا برده."ثم بدأ يتحدث عن كم ما يدفع من مال لرجال المرور اللي مبترحمشي ليتفادي غلاستهم,"ففلان فلوسه كاش و علان هداية غالية,بس ابو حسين محترم,مبيطلبش غير كانز البيبس كل يوم"
ثم مصير من لم يدفع من السائقين,سحب الرخصة.أنظر بملل الي الميكروباص النصف ممتلئ,ثم أرجع بنظري لهذا الرجل.يكف الرجل عن الكلام قليلا و يهم بالكلام فيبدأ اعلان في الراديو"عايز تسكن في فيلا أو شاليه علي البحر ؟بجنينة و بسين خاص؟و نادي اجتماعي و سبا و جيم؟و أوتيل 5 نجوم و ملاعب جولف؟و أكبر نافورة في مصر؟و تلفريك؟ادفع مقدم 10 في المية و الباقي علي 5 سنين".
بكل هدوء رفع الرجل غطاء الابريق و بحركة سريعة افرغ محتوي الابريق علي الراديو,لينهي حياة الراديو بنص عمر.فوجئ السائق بذلك و لم يتخطي رد فعله كلمة"ايه ده ايه ده ايه ده؟ليه كدة؟"
رد بكل برود"و ايه يعني راديو,بكام يعني؟مش احسن من اني افش غلي باني اقتل حد و لا اولع في فيلا؟غير انه مبيجيبش غير حرقة الدم,بعدين أدفع نص عمري تأبيده,في سبيل اني اعرف جابوا فلوس يبنوا بيها منين؟و انا مش لاقي لعيالي جهاز و سكن,و دول بيدوروا علي اكبر خازوق و لا نافورة في مصر؟يا أخي تولع دي بلد"
ثم وقف و ترك الراديو الضحية و السائق المفاجأ و ركب الميكروباص و قد امتلأ,ليدير محركه و يبدأ في القيادة.
من وحي خيال الكاتب,كفش غل
تم منتجة الحوار ليكون قابل للنشر
2 comments:
Gamda gedn 7arket el abree2 elly dal2oh 3al radio dah maknsh loh
3'er kda sara7a ba3eedan 3an
el 7agat elly lazem tetmanteg we saba7 el fol
حبي,تعليقك نور المدونة كلها,اشطة عليك.
صباحك اشطة
Post a Comment